کہاں راجہ بھوج اور کہاں۔ ۔ ۔ ۔

 ڈی ایس کے' صاحب کی خبر تھی کہ ایک "پر تکلّف" قسم کے ٹائون ہائوس میں منتقل ہو گئے ہیں جس کا کرایہ چھ ھزار ڈالر' ماہانہ ہے اس سے مجھے اپنی ایک  بات یاد آ گئی
    یہ اس زمانے کا ذکر ہے جب میں ایک اچھے عہدے پہ فائز تھا اورخیر سے اچھی رئیسانہ نہ سہی متموّل زندگی گزار رہا تھا اور میری سالانہ آمدنی  بہتّر ہزار ڈالر تھی یعنی وہی چھ ھزار ڈالر ماہانہ--اس وقت مجھے ایک ذریعے سے اطّلاع ملی ایک صاحب کے متعلّق جو مجھ سے عمر اور تعلیم کے لحاظ سے کم تھے کہ وہ نیو یارک میں ایک اپارٹمنٹ میں رہتے ہیں جہاں وہ چھ ہزار ڈالر ماہانہ کرایہ دیتے ہیں


Please visit my English blog at http://saugoree.blogspot.com/ and my Hindi blog at http://wahajunana.blogspot.com/

عورت کا مرد پہ ہولناک اثر

 اللہ تعالےا نے مرد کو  عورت پرایک گونہ فوقیت بخشی ہے گو عورتین اس بات کو پسند نہیں کرتیں اور ہمیشہ اس تاک میں رہتی ہیں کہ مرد کو کیسے نیچا دکھایا جائے مگر مرد بیچارہ اس میدان میں جہاں کہ واقعی 'فوقیت' ہوتی ہے مار کھا جاتا ہے  دنیا ایسی کہانیوں سے بھری ہوئی ہے جہاں  عورت نے اپنا قبضہ اور اس کا کمال دکھایا ہے۔  آپکو یاد ہوگا کہ ملکہ نور جہاں زیادہ تخت پہ حکومت دکھاتی تھیں گو جہاںگیر شہنشاہ کہلاتا تھا
 اسی طرح۔ اب دیکھئے میرے عزیز قاری صحبان وہ موٹا ہنری ھشتم کوئ ایسا یوسف ثانی تو نہیں تھا لیکن صاحب آٹھ عدد بیویاں بنا چھوڑیں اپنی مختصر زندگی میں -دلہن گھر میں موجود ہونے کے  باوجود وہ اور کوئ گھر میں کام کرنے والی کو پکڑ لیتا تھا وہ اس زمانے کی بات ہے جب بادشاہ لوگ واقعی مطلق العنان ہئوا کرتے تھے ممکن ہے لوگ بادشاہ پر الزام دہی بھی کرتے ہوں اور رعایا میں جنہیں اس کا علم ہوتا تھا چہ مگوئیاں بھی کرتے ہوں  پھر بھی وہ موٹا  شرافت دکھا جاتا اور شادی رچالیتا تھا- لڑکا پیدا نہ کیا تو گردن زدنی لڑکا ہی چاھئے چاہے وہ حرامی ہی ہو بیوی نہ مانے تو اس کو یا کسی بہانے سےطلاق  یاکسی بہانے سے گردن زدنی                                                                 

موجودہ زمانے میں بھی مثالیں ملتی رہتی ہیں- میں ان دنوں انگستان میں مقیم تھا جب  پروفیومو اور کرسٹین کیلر کے معاشقے کی افواہیں پھیلیں۔ پروفیومو نہایت حسّاس قسم کے عہدے--وزیر جنگ-- پر فائز تھا اور اس لڑکی  ایک روسی سیاسی شخصیت سے بھی ملوث تھی بس اب جو سنسنی خیز خبریں شروع ہوئ ہیں توبچارے پروفیومو کی سیاسی پارٹی پہ  اتنا برا اثر پڑا کہ اسے نہ صرف اپنی پوزیشن سے استعفےا دینا پڑا بلکہ اس کی سیاسی زندگی ہی ختم ہو گئ اور اس پہ طرّہ یہ اس پارٹی کو اگلی مرتبہ الیکشن میں ہزیمت بھی اٹھانی پڑی یعنی واقعی 'سلظنت کا تختہ الٹ گیا'
 پھر آپ کو یاد ہوگا چھوٹے کینیڈی صاحب راہیء ملک عدم ہو چکے ہیں ایک لڑکی جہاز میں ان کے ساتھ گری اور پانی میں ڈوب کر مر گئاور وہ خود بچ گئے یہ بدنامی اس شخص کو پریزیڈنٹ بننے سے مانع ثابت ہوئ اگرچہ خاصے عزت والے گھرانے کے چشم وچراغ ہونے کے علاوہ خود بھی مانے ہوئے سیاسی لیڈر بن چکے تھے-- وہ  کلنٹن صاحب بال بال بچ گئے ان کا تختہ تقریبا" الٹ گیا تھا اب حال ہی میں جو واقعات ہوئے ہیں ان میں ھمارے اپنے صاحب یعنی نورث کیرولائنا والے جان ایڈورڈ  بھی اس حرامی بچّے کے پیدا کرنے سے پریزیڈنٹ بنتے بنتے رہ گئے اور آج کل یعنی اسی ایک ہفتے میں دو اور خبریں آپ نے سنی ہوںگی  شوارزنگر صاحب تو  پہلے ہی مشہور عورت باز کھلاڑی تھے  اور جناب ڈومنک صاحب یعنی-- ڈی ایس کے ---جو آجکل دنیا کے سب سے بڑے بنکر ہیں اس غیر قانونی حرکت میں مبتلا ہوبیٹھے کہانی ایسی سنسنی خیز ہے کہ ھزار داستان کو مات کرجائے اور کہاں ایک اتنے بڑے ہوٹل کا سوئیٹ جس کا کرایہ  تین ہزار ڈالر روزانہ ہے اور کہاں ایک نیویارک کے ایک چھوٹے سے جیل خانے کی تنگ و تاریک کوٹھڑی ایک معمولی سی نوکرانی نے کیسا پلٹا دکھا ڈالا ساری زندگی کی کمائ پہ پانی پھر گیا عزت شہرت اور سب کچھ کھڈّے میں گیا یہ صاحب ساٹھ سے اوپر ہو چکے ہیں اور ایک انجانی نوکرانی سے غلط حرکت کر بیٹھے سمجھ میں نہیں آتا کہ ایک باہوش انسان اس قسم کی حرکت کیسےکر سکتا ہے غالبا' زیادہ پی رکھی تھی پھر بھی ایک عقلمند انسان سے ایسی توقع نہین کی جا سکتی۔
  مِں نے لوگوں کی قیاس آرائیاں اور مختلف قسم کی  آراء کا مطالعہ کیا تو معلوم ہوا کہ مغرب میں  اس بات کو تو معاف کر سکتے ہیں کہ شادی شدہ ہوتے ہوئے دوسری عورت سے ہمبستری کرے مگر اس کو برداشت نہیں کرسکتے کہ لوگوں کے سامنے جھوٹ بولیں شوارزنگر ہو یا کلنٹن یہی ان کے خلاف بات  کہی جا رہی ہے اور پھر اس خاوند سے جو دوسری عورت کے پاس جاتا ہے یہ امید رکھتے ہیں کہ اپنی بیوی کو مطلع کرے کہ اس نے یہ حرکت کی ہے-- کمال ہے صاحب


Please visit my English blog at http://saugoree.blogspot.com/ and my Hindi blog at http://wahajunana.blogspot.com/