مین اور تاثیر صاحب

اسی عنوان کے تحت میرا انگریزی بلاگ بھی دیکھیئے اس میں لکھا ہے میراآمنا سامنا جو ڈاکٹر محمد دین تاثیر  مرحوم سے ہوءا
جب وہ اسلامیہ کالج کے پرنسیپل تھے اور ان کے صاحبزادے سلمان تاثیر کی موت کا بھی ذکر کیا ہے۔ یہاں مین ایم ڈی تاثیر کا ذکر کر رہا ہوں
ہمارے کالج میں ایک اردو کی ڈی بیٹ ہوئی جس کا عنوان تھا
" ہند کے شاعر و صورت گر و افسانہ نویس
  آہ بے چاروں کے  اعصاب پہ عورت ہے سوار
 ججوں کی پینل میں ایک مشہور محترمہ بھی تھیں  بیگم تصدّق حسین جو اس وقت پنجاب گورنمنٹ میں نائب وزیر کے عہدے پر فائز تھیں اور ہمارے ہر دلعزیز پرنسپل جناب ڈاکٹر ایم ڈی تاثیر بھی موجود تھے بظور صدر مجلس۔
باقی میرے بلاگ میں دیکھیئے جو ۲۸ دسمبر ۲۰۰۹ کو لکھا تھا

Please visit my English blog at http://saugoree.blogspot.com/ and my Hindi blog at http://wahajunana.blogspot.com/

پہلی سالگرہ-میری پوتی کی آٹھ دسمبر ہوگی

 صبح اٹھا تو پیاری ایمانی کا ہنستا ہوئا چہرا سامنے آرہا تھا۔ گول مٹول سی پیاری سی گڑیا آج ایک سال کی عمر کر لی فجر کی نماز کے بعد جو ہاتھ اٹھائے تو بس اسی کے لئے دعائیں کرتا رہا اللہ  اس کو ایک نیک اور صحیح مسلمہ بنائے ایمان کی پختگی اور اسلام کی محبت عطا فرمائے قران مجید سے اور رسول اکرم صل اللہ علیہ وسلم سے محبت  اور لگن عطا فرمائے والدین کی آںکھوں کی ٹھنڈک اور انھیں ہزار خوشیاں دکھائے اور اس کی اپنی زندگی خوشیوں سے بھری اور دکھ تکلیفوں سے مبرّا ہو اور لمبی عمر عطا ہو- آمین ثم آمین
تم کیا جانو میری گڑیا کہ تم نے صرف جنم لےکر اس بوڑھے کی زندگی میں کتنی مسرّتیں بھر دی ہیں جیتی رہو بٹیا
غلطی سے پہلے ہی لکھ گیا ہوں بڑھاپے میں سب کچھ معاف ہو جاتا ہے
Please visit my English blog at http://saugoree.blogspot.com/ and my Hindi blog at http://wahajunana.blogspot.com/

شادی بیاہ میں دف

مگر انگرہزوں کے وقت میں سی پی تھا
 ساگر ایک چھوٹا سا شہر ہے بلکل ہندوستان کے وسظ میں واقع ہے آجکل اسے مدّھ پردیش کہتے ہیں
ہمارے محلّے میں زیادہ تر ہندو بستے تھے ہمارا گھرانہ میرے والد مرحوم کی وجہ سے بہت 'مولویوں کا گھرانہ' تھا مگر اس میں کچھ 'روشن خیالی' بھی شامل تھی مثال کے طور  پر میری بہنیں لڑکیوں کے اسکول مِن داخل ہوئی تھیں اور چار جماعت پاس کیں کیوںکہ وہ پرائمری اسکول تھا اگرچہ پردے کا انتظام تھا مگر فلم دیکھنے کی اجازت تھی امّاں جان سمیت سب بچوں کو گنی چنی چند فلمیں سہی مگر میں نے بچپن میں اپنی فیملی کے ساتھ دیکھیں اس زمانے میں شادی سے پہلے گھر میں ڈھولکی شروع ہو جاتی تھی کمال یہ ہے کہ میری بڑی بہن کو بلایا جاتا تھا وہ ڈھولکی بھی بجاتی اور گاتی بھی تھیں لوک گیت 'دادروں ' کی شکل میں تھے بلکہ ان کے بول بھی اسی قسم کے ہوتے تھے
' ڈالیں گلے میں موہن مالا بلم انگنا میں کھڑے
مجھے تو طرزیں بھی یاد ہیں مگر لکھ نہیں سکتا ایک اور یاد آئ ۔ ۔ ۔ ۔ ۔ ۔ ۔ ۔اب دیکھئے کیسے کٹے

 پھر ہم پنجاب آگئے اور یہاں بھی شادی سے پہلے وہی رواج تھے گائوں مِن بجائے ڈھولکی کے دف رکھا جاتا تھا میری بڑی بہن کی بیٹی اسی طرح بلائ جاتی تھی اسے بھی وہی شوق تھے اور اب گیت پنجابی تھے
"چٹھّی آئ زورآور دی ی ی ہو اللہ جانے گھٹّ کے سینے نال لاواں
سحیب جانے گھٹّ کے سینے نال لاواں کہ
کہ چٹھّی آگئ زورآور دی ی ی ہو
 اور زیادہ اس وقت یاد نہیں آرہے
 آللہ دونوں کو جنّت میں جگہ عطا فرنمائے دونوں اللہ کو پیاری ہو چکی ہیں


Please visit my English blog at http://saugoree.blogspot.com/ 

کیا مسلمان کو کرسمس منانی چاہیئے

                                                                       سادہ سا جواب یہ ہے کہ نہیں منانی چاہیئے
                                                                  یہ خیال 'تھینکس گیونگ' کی وجہ سے آیا ہے-    وہ جو عیسائ ہیں مناتے ہیں مناتے رہیں
اب سوال یہ ہے کہ جب آپ کے عیسائ دوست یا آپ کے ہمکار وغیرہ آپ کو کرسمس کی مبارکباد دیں "میری کرسمس" کہیں اور آپ ان کو جوب میں اسی طرح کہیں تو کیا اس کا مطلب یہ ہوگا کہ آپ ان کی کرسمس منانے میں شریک ہو گئے ہیں؟
 ہمارے علمآء فرماتے ہیں کہ آپ اس کے کہنے سے ان کے تہوار میں شریک ہوگئے
 میرا دل اس فلسفہ کو قبول نہیں کرتا۔ جب ایک غیر مسلم مجھے عید مبارک کہتا ہے تو کیا وہ میرے عید منانے میں شریک ہو رہا ہے؟
میرے ناقص خیال میں نہ وہ عید منارہا ہے اور نہ میں بطور مسلم کرسمس منا رہا ہوں میں تو صرف اپنے عیسائ دوست کو خوشی پہنچا رہا ہوں دوست کی حیثیت سے اور میں اس اپنے اسلامی اصول کے مطابق غیر مسلم دوست سے اچھا سلوک کر رہا ہوں جس کی اجازت دی گئی ہے کیا اس نیت سے 'میری کرسمس'کہنا گناہ ہوگا؟


Please visit my English blog at http://saugoree.blogspot.com/ and my Hindi blog at http://wahajunana.blogspot.com/

حجّ بیت اللہ کا موسم

آج کے روز حجّ کے تمام مناسک مکمل ہوئے اور اب حاجی لوگ یا اپنے اپنے گھروں کو واپس ہوںگے یا وہ جو مدینۃ المنوّرہ پہلے نہیں گئے تھے اب  مدینے کی راہ پکڑیں گے-
 جنہاں پھڑی مدینے دی راہ یارو نال انھاں دے اسہاڈیاں دعاواں
مینں وی بیٹھیا ہویا  ہاں ایہوئ سوچنا واں- کدوں میں مدینے ول جاواں
  حر مسلمان کے دل میں یہی خواہش دہتی ہے کہ حج کو جائیں اور دیار مدینہ کی پر سکون فضائوں میں خوشی کے وقت گذاریں
حجّ ایک ایسا فریضہ ہے کہ جب تک آپ خود نہ کریں اس کا احساس نہیں ہو سکتا  ایک عجیب سفر ہے ایسا جیسے آپ کی باقاعدہ ایپوئنٹمنٹ ہے اللہ تبارک و تعالےا سے اور آپ 'اللہ کے گھر' جاتے ہیں
 ایک بچّے کا لطیفہ یاد آ گیا سناتا چلوں
 اپنے ماں باپ کے ساتھ بثے بھی جاتے ہیں ان کے اپنی عمر کے لحاظ سے علیحدہ ہی  تائثرات ہوتے ہیں
 چنانچہ ایک مکالمہ کسی بڑے نے دو بچوں کی باتوں پر کان دھرتے ہوئے سنا وہ آپ تک پہنچا دوں
ایک بچہ دوسرے سے پوچھتا ہے
 تم نے اللہ کا گھر دیکھا؟
ہاں دیکھا
 اچھّا اللہ میاں گھر مین تھے؟
 نہیں تو - ایسا لگتا ہے وہ چھٹی پہ گئے ہوئے تھے

Please visit my English blog at http://saugoree.blogspot.com/ and my Hindi blog at http://wahajunana.blogspot.com/

لمبر پنکچر

 یہ ایک قسم کا 'چھوٹا اپریشن' ہے جس میں ڈاکٹر ریڑھ کی ہڈّی میں  ایک لمبی سی سوئ داخل کرتا ہے اور جو مادہ دماغ کے ارد گرد گردش کرتا ہے اس کی تھوڑی سی مقدار نکالتا ہے عموما"  اس کو ٹیسٹ کرنے کے لیئے
 یہ ان دنوں کی بات ہے جب میں میو ہسپتال کے میڈیکل وارڈ میں ہائوس فزیشن تھا اور خدا جھوٹ نہ بلوائے کوئ چھ یا سات مریض --ٹی ی مننجائٹس--کے میرے وارڈ میں تھے ایک دس گیارہ برس کا لڑکا بھی تھا جو ٹھِک تو ہو گیا تھا مگر اپنی بینائ کھو بیٹھا تھا -ا بھی وارڈ میں دوائیاں لے رہا تھا مگر بہتر ہو چکا تھا۔ نرس کے ساتھ ساتھ وہ بھی آ جاتا تھا جب میں کوئ  لمبر پنکچر کرنے لگتا اور اپنی نئ نئ سیکھی ہوئ میڈیکل ٹرمینالوجی بول کر خوش ہوتا تھا۔ چونکہ میں نرس کو کہا کرتا تھا مریض کی پوزیشن ٹھیک کرو تو وہ نرس کو یہ کہا کرتا سسٹر صاحبہ پوزیشن ٹھیک کریں ڈاکٹر صاحب کو لمبر پنکچر میں گڑ بڑ نہ ہو
 جب کوئ مریض دم توڑنے کے وقت پر ہوتا تو بیرے کو آواز لگاتا آکسیجن سلنڈر لے آئو
 ہم سب اس کی باتوں سے محظوظ ہوتے - بڑی بڑی خوبصورت آنکھوں والا بہت پیارا بچّہ تھا
نہ معلوم ان دنوں کیوں اتنے مریض اس خطرناک مرض والے آ داخل ہوءے تھے


Please visit my English blog at http://saugoree.blogspot.com/ and my Hindi blog at http://wahajunana.blogspot.com/

علّامہ اقبال ر ح

مجھے معلوم نہیں تھا کہ آج یوم اقبال ہے بھائ افتخار اجمل بھوپال کے بلاگ سے معلوم ہوا   مجھے یہ بھی معلوم نہیں تھا کہ پاکستان میں ۹ نومبر کو چھٹی بنا دی گئ ہے


 -بھت چھٹیان بن جاتی ہیں مگر ان شخصیات کی یاد بھی بہت ضروری ہے ورنہ انہیں کون جانے گا نئ پود میں سے
علامہ کی شخصیت بہت بھاری ہے قائد اعظم کی شخصیت سے بھی زیادہ میرا خیال ہے کہ پاکستان کے متعلّق جاننے والے لوگوں کو ان دو حضرات کے متعلق اپنی معلومات میں اضافہ کرنا چاہئیے

Please visit my English blog at http://saugoree.blogspot.com/ and my Hindi blog at http://wahajunana.blogspot.com/